Det blei ei triveleg sesongavslutning for Seniorlæring i Midt-Telemark på Bø hotell på måndag. Fyrst kåseri, der Halvor Kleppen med Per Sivle sine ord «Å, kunne eg fara til Telemark!» som inngang, losa oss att og fram gjennom delar av fylket, ja til og med heilt til utlandet! Det var både skjemt og alvor, gode skrøner og ord til ettertanke – til Italia kom vi t.d. via Tarjei Vesaas sitt dikt «Ein kveld i Verona». Ein liten svipp-tur innom Kleppen si tid i NRK på «Majorstugo, Oslo tri» rakk vi også før lunsj, musikk med vårt eksklusive husband og lotteri.
Dei som var til stades fekk kjapp og førebels «snik-kikk» på vårprogrammet, andre kan orientere seg her, og vi kjem sjølvsagt tilbake med utfyllande informasjon når arrangementa nærmar seg.
Men aller fyrst nå: Ei riktig god jul til alle våre medlemmer 🙂